Investitsiya va infratuzilma loyihalarini amalga oshirish doirasida "O'zbekiston havo yo'llari" YoAJ Termiz xalqaro aeroportida yangi yo'lovchi terminalining qurilishini yakunladi.
Termizda Xalqaro baxshi san'ati festivalining ochilish marosimi arafasida yangi yo'lovchi terminali mehmonlar va bayram ishtirokchilari bilan uchrashdi. Ular xodimlar va aeroportda yo'lovchilar uchun yaratilgan qulayliklardan xursand bo'lishdi.
Zamonaviy terminal soatiga 400 yo'lovchiga xizmat ko'rsatishga qodir. Bojxona nazorati, tekshirish punktlari va bagajni rasmiylashtirish jarayonlarini tezlashtirishga alohida e'tibor qaratilmoqda. Kutish zallarida, CIP xonalarida, ona va bola xonalarida, namozxonalarda, tibbiy markazda va boshqa bo'limlarda yo'lovchilar uchun keng sharoitlar yaratilgan. Duty Free do'konlari, bepul Wi-Fi, chet ellik sayyohlar uchun viza berish sektori bor.
Bu terminal yangi xalqaro reyslarni ochish va sayyohlar oqimini ko'paytirishga xizmat qiladi.
Hozirda Termiz aeroportining uchish -qo'nish yo'lagi va boshqa aerodrom yuzalarini rekonstruksiya qilish rejalashtirilgan.